बाबा बैद्यनाथ मिश्र यात्री "नागार्जुन" के अवसान दिवस पर "नव मिथिला" द्वारा आयोजित "यात्री साहित्य सप्ताह"

बाबा बैद्यनाथ मिश्र यात्री "नागार्जुन" के अवसान दिवस पर "नव मिथिला" द्वारा आयोजित "यात्री साहित्य सप्ताह" पर सप्ताहिक आलेख पर आई बाबा के स्वयं लिखल आलेख । 

अंतिम प्रणाम / यात्री

हे मातृभूमि, अंतिम प्रणाम

अहिबातक पातिल फोड़ि-फाड़ि
पहिलुक परिचय सब तोड़ि-ताड़ि
पुरजन-परिजन सब छोड़ि-छाड़ि
हम जाय रहल छी आन ठाम

माँ मिथिले, ई अंतिम प्रणाम

दुःखओदधिसँ संतरण हेतु
चिरविस्मृत वस्तुक स्मरण हेतु
सूतल सृष्टिक जागरण हेतु
हम छोड़ि रहल छी अपना गाम

माँ मिथिले ई अंतिम प्रणाम

कर्मक फल भोगथु बूढ़ बाप
हम टा संतति, से हुनक पाप
ई जानि ह्वैन्हि जनु मनस्ताप
अनको बिसरक थिक हमर नाम