आरोप लगबय वला नंद मेहताक कहब अछि जे ओ इ टाका विधानसभा चुनाव सँ लगभग 6 मास पहिने देने छल. जहन नौकरी नहि भेल तखन ओ कतेको बेर विधायक जी सँ टाका मांगय लेल गेलाह मुदा विधायक जी हुनका दुत्कारि देलनि.
एहि संबंध मे जखन विधायक निरंजन मेहता सँ बात कयल गेल त ओ आरोप केँ विरोधी लोकनिक षड्यंत्र बतओलनि. ओ कहलनि वायरल ऑडियो क्लिप मे कतौ नौकरी देबय दिअयबाक बात नहि अछि. ओ आरोप लगबय वला के चिन्हय धरि सँ इनकार क देलनि अछि. एम्हर, जनअधिकारी पार्टीक नेता आ सासंद पप्पू यादव पूरा मामिलाक जांच करेबाक मांग कयलनि अछि.
